Submedida 4.1: Axudas aos investimentos que melloren o rendemento e a sustentabilidade globais da explotación agrícola.

A axuda desta submedida pretende apoiar a realización de investimentos nas explotacións agrícolas que fagan destas elementos máis competitivos do sector primario. Estes investimentos han de asegurar a súa viabilidade económica e a súa sustentabilidade para co medio.

A mellora do rendemento global das explotacións agrarias, entendida tanto como a mellora no rendemento económico por unidade de traballo (UTA) como pola mellora das condicións de produción (laborais, ambientais, sanitarias e técnicas), ten como fin último incrementar a competitividade das explotacións agrarias cumprindo ao mesmo tempo coas condicións de respecto ao medio ambiente, mantemento da paisaxe, de hixiene e benestar dos animais e seguridade no traballo; todo iso dentro dun marco que permita mellorar a calidade de vida dos produtores e da súa contorna.

Financiaranse aqueles investimentos nas explotacións que vaian acompañadas dun plan empresarial ou de negocio no que se demostre tanto a viabilidade do proxecto como o cumprimento das condicións de competitividade e a sustentabilidade do mesmo.

Descargue a información ampliada da Submedida 4.1 premendo aquí.