Submedida 7.2: Apoio aos investimentos na creación, mellora ou ampliación de todo tipo de pequenas infraestruturas, incluídas os investimentos en enerxías renovables e aforro de enerxía.
En virtude desta submedida apoiaranse aqueles investimentos non produtivos na creación, mellora ou ampliación de pequenas infraestruturas relacionadas coa xestión da auga e enerxías renovables e eficiencia enerxética, podendo ser beneficiarios a Administración Autonómica e os entes instrumentais dependentes dela, así coma entidades locais e entidades delas dependentes, as persoas físicas xurídicas de dereito privado, asociacións e agrupacións público privadas e ONG.
A submedida poderá incluír actuacións relativas a pequenas infraestruturas de abastecemento de auga, saneamento e depuración de augas residuais e xestión de augas pluviais, pequenas infraestruturas de enerxías renovables: solar térmica e fotovoltaica, biomasa, eólica, xeotérmica, aerotérmica, etc., ou pequenas infraestruturas relacionadas coa eficiencia enerxética.
Descargue a información ampliada da Submedida 7.2 premendo aquí.
