As actuacións de prevención de incendios e outros danos nos montes teñen especial relevancia na conservación das masas forestais. Dada a importancia do sector forestal en Galicia preténdese por tanto traballar a favor da prevención das catástrofes que lle afectan.

No marco de esta submedida fináncianse actuacións de prevención e de loita integrada contra pragas e enfermidades forestais e a implantación e mellora de instalacións de vixilancia e sistemas de seguimento das mesmas.

O obxectivo desta medida é o apoio da implantación de sistemas agroforestais, especialmente nas zonas de montaña.Fináncianse a implantación de sistemas agroforestais así como os labores de mantemento e limpeza durante os primeiros anos de implantación.

Descargue a información ampliada da Submedida 8.2 premendo aquí.

En virtude desta medida apoiarase o incremento da superficie arborizada en aproveitamento baixo, o deseño de instrumentos de ordenación ou xestión forestal, ou o desenvolvemento de instrumentos de ordenación equivalentes.

As actuacións para levar a cabo baixo esta submedida poden dividirse en dous tipos, de Forestación e creación de novas superficies e o apoio á forestación en zonas de colonización natural, así coma mantemento e limpeza nos primeiros anos de implantación.

O obxectivo básico é promover a conservación e valorización do patrimonio natural e cultural das zonas rurais, actuacións específicas de protección e xestión en zonas Rede Natura 2000, así como noutras posibles zonas de elevado e contrastado valor natural, como as Reservas da Biosfera, que deberán enmarcarse nos plans xerais de conservación e xestión ambiental da Administración autonómica.

A través desta submedida apóianse operacións que, a través da posta en valor da riqueza histórica, cultural, patrimonial, natural e paisaxística, contribúan á creación de condicións favorables para o desenvolvemento das iniciativas empresariais do sector turístico e desta forma consolidar e mellorar a oferta e as infraestruturas turísticas nas zonas rurais.

Con esta submedida perséguese a potenciación do turismo como un factor de crecemento económico, a valoración dos recursos turísticos e o fomento do turismo como un instrumento de reequilibrio territorial.

En virtude desta submedida fináncianse investimentos en proxectos que melloran a calidade de vida da poboación do medio rural como son aqueles relacionados con servizos asistenciais, culturais e de apoio a empresas.

A submedida poderá incluir actuacións de implantación e mellora de servizos asistenciais, de servicios culturais, ou centros de servizos, así como pequenas infraestruturas e/ou equipamentos a pequena escala que fomenten a cooperación, servizos e implantación ou mellora das empresas no medio rural.

A Comisión europea ha establecido o obxectivo de lograr, en 2020, que o 100% de poboación conte cunha cobertura de 30 megas. Así, esta submedida contemplada no PDR contribuirá a este obxectivo.

En virtude desta submedida apoiaranse aqueles investimentos non produtivos na creación, mellora ou ampliación de pequenas infraestruturas relacionadas coa xestión da auga e enerxías renovables e eficiencia enerxética, podendo ser beneficiarios a Administración Autonómica e os entes instrumentais dependentes dela, así coma entidades locais e entidades delas dependentes, as persoas físicas xurídicas de dereito privado, asociacións e agrupacións público privadas e ONG.

Esta medida está dirixida á consolidación e creación de emprego nas zonas rurais mediante a creación e desenvolvemento de novas actividades económicas viables non agrícolas, que deben contribuír a fomentar a diversificación económica, o equilibrio territorial e sustentabilidade do medio rural, tanto en termos económicos como sociais.

O obxectivo desta medida é apoiar ás explotacións agrarias galegas na posta en marcha de novos proxectos que xeren creación de emprego. Apóianse aquelas actuacións recollidas nun plan empresarial e levadas a cabo por pequenas explotacións agrarias inscritas no rexistro de explotacións agrarias de Galicia (REAGA).

Enténdese por pequenas explotacións agraria aquelas cuxa renda unitaria de traballo (RUT) atópese entre os seguintes parámetros: