O funcionamento dos Grupos de Acción Local carrexa custos relativos tanto aos recursos humanos como materiais que se utilizan. Ademais, unha das fundamentais para o éxito de LEADER é a de animación do territorio, a procura de emprendedores e a dinamización rural por parte dos membros do GAL.
A cooperación neste período de programación (2014-2020) será optativa para os Grupos de Acción Local. No programa Leader de Galicia 2014-2020 os proxectos de cooperación non serán seleccionados directamente polos grupos de acción local, con todo, en cumprimento do disposto no artigo 44.3 do Regulamento (UE) 1305/2013, do 17 de decembro de 2013 relativo á axuda ao desenvolvemento rural a través do fondo FEADER, implantarase un sistema de presentación de solicitudes permanente en materia de cooperación.
En virtude desta submedida desenvolveranse as Estratexias de Desenvolvemento Local Participativo aprobadas, de tal forma que se poñerán en marcha os plans de acción previstos nestas estratexias.
Financiaranse as operacións incluídas nos plans de acción das EDLP seleccionadas. Os Grupos de Acción Local poderán seleccionar como proxectos:
O primeiro paso para conseguir os obxectivos do enfoque LEADER será a definición das Estratexias de Desenvolvemento Local Participativo. Para iso, en virtude desta submedida apoiarase financeiramente o deseño destas estratexias.
Financiaranse os custos da definición, preparación e redacción das EDLP, entre eles:
Tendo en conta a natureza da estrutura de propiedade do monte galego, cun maioritario predominio da propiedade privada e un marcado carácter minifundista, resulta imprescindible fomentar o establecemento dos plans de xestión forestal, obxectivo que se pretende conseguir a través desta axuda.
A conservación da biodiversidade e dun medio ambiente saudable é fundamental para o mantemento tamén da actividade agraria de calidade, así como para outros sectores importantes para o medio rural como pode ser o turístico.
O obxectivo desta medida é fomentar a cooperación entre produtores primarios ou microempresas agroalimentarias para a creación ou consolidación de mercados locais e a promoción de canles curtas de distribución. A iniciativa limítase ao marco territorial concreto de pertenza dos axentes.
Poderanse financiar aquelas actuacións de cooperación levadas a cabo no marco territorial concreto de pertenza dos axentes e que permitan:
A submedida fomenta a coordinación entre pequenos operadores económicos das áreas rurais para permitirlles adquirir en común unha escala económica da que carecen individualmente. A iniciativa non se limita a un marco territorial concreto, senón que se abre á participación de axentes dos distintos territorios rurais de Galicia, coa condición da vinculación a microempresas e a orientación comercial do proxecto. No caso do desenvolvemento turístico, a actividade apoiada deberá ser coherente coa planificación turística da Comunidade autónoma de Galicia.
A submedida financia iniciativas de cooperación en materia de innovación nos sectores agrícola, alimentario e forestal. As iniciativas traduciranse na implantación de proxectos piloto ou no desenvolvemento de novos produtos, prácticas, procesos e tecnoloxías. En ningún caso financiaranse proxectos de investigación básica.
A submedida 16.1 orienta a consolidación en Galicia dos elementos estruturais da AEI en materia de sustentabilidade e produtividade agraria, establecendo o esquema instrumental básico de financiamento, apoio e funcionamento das iniciativas de innovación ao amparo do programa de desenvolvemento rural para o período 2014-2020. Esta submedida inclúe dous tipos de operacións:
